وجهت الفنانة المصرية شيرين عبد الوهاب رسالة شكر مليئة بالمشاعر لزميلتها الفنانة اللبنانية هيفا وهبي، التي بادرتها بالتهاني على إطلاق أغنياتها الجديدة في الأيام الماضية.
مواقف هيفا مع شيرين عبد الوهاب
نشرت شيرين صورة لـ هيفا وكتبت تعليقًا مؤثرًا: “أنا رديت على النجمة هيفاء وهبي مش عشان باركتلي على الأغاني، النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن. كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني”.
إقرأ أيضا
وأكملت شيرين: “هيفا اثبتت ان الصديق الوفي مش لازم هو اللي جنبك ممكن يكون بعيد عنك. من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي. وياريت ياريت فى مصر لو في مشاكل انا بناشد اى حد ان الست دى طيبة جدا جدا متستاهلش إلا كل خير”.
تهنئة خاصة من هيفا
من جهتها، كانت هيفا قد هنأت شيرين عبر صفحتها بقولها: “ألف مبروك حبيبي اللي نور مكانه الصح، والفراغ اللي محدش يعرف يملاه”، وأرفقت أسماء الأغنيات الثلاث التي طرحتها شيرين “هنحتفل” و “اللي يقابل حبيبي” و”بتمنى أنساك”.
المصدر : موقع الفن
للانضمام إلى صفحاتنا على: #الانستقرام – #تويتر – #تيك توك – #فيسبوك
